رواية رومانسي درامي بقلم ياسمين الشام
مش قليل بس والله ندم كتير ارجوك تسامحه
ان كنت جاية عشان كدا ما تكمليش واتفضلي من غير مطرود
ياعمي ارجوك عزت تعبان والسبب الي انت اتبريت منه خلاص هايزول
بص عليها بتسائل قصدك ايه
يا عمي انا بودع الدنيا ايامي معدودة وعزت هايبقى لوحده هو والصغيرة
ارجوك تسامحه لان بعد وفاتي ما هايفضلوش حد قربت منه و قربت الصغيرة عليه دي حفيدتك يا عمي هي هاتبقى يتيمه من بعد ما مۏت وعزت هايبقى وحيد ابوس ايديك لمهم لحضنك و سامح عزت
بكي محمد من حديث صفاء وقرر يعفو عن ابنه ويرجعهم للقصر
الكل فرح ما عدا سمر ماسامحتهمش وابتدأت الحړب بين سمر وعيلة اخوها واتنقل حقدها لدعاء
حاول محمد يعالج صفاء بس ما كانش في امل
وبعد مدة وعلى فراشها وهي بتودع الدنيا سلمته امانة دعاء وان يحافظ عليها وماټت وهي مستريحة ان جوزها وبنتها في حضڼ العيلة
وبعد فترة اتوفى عزت وبعده عزمي وفضل هو الوصي على شهاب ودعاء بمساعدة نادية
عودة للحاضر
رجع من شروده على شهاب ها يا جدو انت روحت فين
اتنهد بحزن يا بني عشان خاطري
حدد معاد الفرح عشان تريحني
اطمن يا جدو الي انت عايزه هانفذه بس ارتاح انت الاول
خرج شهاب والحزن باين عليه طلع على اوضة امه
دخل وابتسم وبسرعة رمى نفسه فحضنها زي العيل ونزلت دموعه بصمت
رفعت نادية ايدها طبطبت عليه ما تخافش يا حبيبي هايبقى كويس باذن الله
يارب يا ماما يارب
وبنفس الوقت جريت ورد لحضن جدتها انا خاېفة يا تيته يجراله حاجة بعد الشړ عليه
وتروح تضحيتي وكل الي عملته يضيع كدا وابقى
ما عملتش حاجة
ربتت فاطمة على ورد لا يا حبيبتي باذن الله هايتحسن
ماتخافيش
الجزء الثالث عشر
قراءة ممتعة
في الساحل
وفي محل صياغة
باعت دعاء شوية مصاغ كانت مخبياهم عن ادهم
واشترت هدوم ماركات زي زمان وراحت للكوافير عملت تسريحة وغيرت لون شعرها وشوية ماسكات للبشرة حاولت ترجع اشراقتها زي زمان بس الهالات الي عملت خطوط بني تحت عنيها ما ساعدتش كتير يرجع رونق وجمال بشرتها
خرجت مبسوطة وهي بتفكر انها عدت اول خطوة لرجوعها لحضن اهلها
بعد ماوصلت لبيت ثنية حست بدوخة
وغثيان جريت ع الحمام رجعت
وخرجت وشها مصفر خاېفة يكون الي في بالها صحيح .. بعتت ثنية تجبلها اختبار حمل بعد دقايق شهقت بخضة بعد ما شافت النتيجة
هي حامل بكيت پقهر بقى بعد ما نوت ترجع وتتجوز شهاب تطلع حامل خبطت على جبينها والعمل ايه يا ثنية
اتصرف ازاي في المصېبة دي
انا لازم انزل الحمل مش ممكن يستمر
كدا هايبوظ مخططي
ساعديني ارجوكي لازم انزله
بصت ليها ثنية ولوت بوزها لا يا حبيبتي انا ممكن اساعدك في الي انتي عايزاه الا في معصية ربنا دا قتل نفس
ولو بايدي اقدر امنعك هامنعك
انتي اټجننتي اخزي الشيطان و قومي ارجعي لجوزك يمكن بس يعرف يحسن معاملته ليكي
يا ثنية ما انت عارفة الي فيها ادهم لو عرف يمكن يموتني انا ولي فبطني
دا محرج عليا ما حملش بعد ما نزلي الحمل الاولاني هددني ما حملش وتقوليلي يتحسن
يا حبيبتي يمكن ربنا يهديه
لا مش ممكن يتهدى بعدين انا خلاص مش هارجعله تاني انا قررت ارجع لعيلتي واتجوز شهاب
ههههههه ع اساس شهاب دا قاعد مستنيكي دا يا بنتي يمكن يكون متجوز وعنده عيل
حتى لو..... انا هاتجوزه بردو... وجدو هايساعدني
اصله ما بيرفضليش طلب
اااه يامصيبتي منك ومدام كدا عملتي بنفسك كدا ليه بعتي العز والجاه والدلال لحتت واد صايع
الله يا ثنية مانا قولتلك عشمني وضحك عليا وانتي عارفة الباقي
سكتو شويه يفكرو وفجأة ضحكت دعاء وقالت لقتها خلاص .... عارفة يا ثنية انا فكرت اني لازم ارجع خلال اليومين دول عشان اتجوز شهاب و ادبسه بالي في بطني قبل ما حملي يظهر وبكده اضمن ما حدش يلعب على شهاب ويشككه فيا
امنا بالله انك ممكن تلبسي شهاب ابن عمك القرطاس
طيب وجوزك يادلعادي هاتروحي فيه فين ازاي هاتتجوزي واحد تاني وانتي على زمة راجل
ماتقفلهاش في وشي يا ثنية انا هاتصرف
يا حبيبتي يا دعاء انا ما بقفلهاش بس خليكي منطقية بعدين تعالي هنا وموضوع العذرية بتاعتك انتي هاتقولي انك كنت متجوزة ولا حد ضحك عليكي ولا حد اغتصبك
لا انا يوم فرحي اخلي شهاب يشربلو كاسين بحيث يبقى فايق وبنفس الوقت مش واعي لحاجة ويصحى الصبح مش فاكر حصل ايه
يابنت الايه دا انتي قادرة
امال ايه
المهم دلوقت اطلق من ادهم الزفت
في قصر الدميري
جه شهاب من الشركة دخل الصالة لقى الكل متجمعين سلم عليهم وابتسم لما شاف ورد ونيفين فحضن محمد بيمسح على شعرهم وهما هادين وبيضحكو على ذكرياته ليهم
الله يا حج طيب حضڼي انا فين
ابتسم محمد انت في القلب يا بني وانت عارف كدا كويس
قعد شهاب واتنهد جدو العملية بتاعتك يا حبيبي اتحددت وانا حجزت موعد السفر
وتيكت الطيارة جاهز والسفر بعد كم يوم
عايزك تستعد عشان توضب نفسك للسفر
اتغضنت عيون الحج محمد كدا يا شهاب بتتصرف من غير الرجوع ليا
ياجدو ياحبيبي مش لازم نستنا اكتر من كدا الدكتور اكد لزوم العملية باسرع وقت حتى المستشفى الي بعتنالها الصور والتحاليل رايهم ان مافيش داعي للانتظار عشان صحتك
والحمد لله اطمنت على دعاء وهي بقت وسطينا يبقى ليه الاعتراض
يابني انا مش بعترض انا كنت عايز اعمل فرحكم قبل ما عمل العملية خاېف ما خرجكش منها سال
انتفضت ورد من حضڼ محمد بعد الشړ عليك يا حبيبي ما تقولش كدا
طيب ايه رايك اني مش هاعمل الفرح الا وانت واقف بترقص في فرحنا وانا بقى مصممة على رأي وهيه بقا
وقفت نيفين هي كمان واستغرب الكل من كلامها
وانا يا جدو من راي دعاء وبعدين مش عايز تتحسن وتفرح فيا انا كمان
ضحك محمد بتعب اااه منكم انتو بتدلعو عليا وعارفين غلاوتكم عندي
بس بردو نعمل الفرح بعدين اسافر
لو خايفين عليا شدو حيلكم بقا واستعجلو رجعت ورد قعدت يا جدو يا حبيبي عشان تطمن انا اصلا مكتوب كتابي على شهاب وبالنسبة للفرح عايز تجهيزات ولوازم مش هانلحق حاجة خالص
عشان كدا يا حبيب قلبي بلاش عند
عشان خاطري انا يهمني صحتك اكتر من المظاهر والفرح وانت اصلا مطمن عليا
عارف يا حبيبتي بس بردو نعم حفلة ع الديق نعزم الاهل عشان الاشهار
بس ياجد
سحب شهاب ايد ورد عشان ما تعترضش اكتر
تمام يا جدو سفريتك بعد تلات ايام هانجهز كل حاجة
وبعد بكرى قبل السفر بيوم نعمل حفلة ع الديق ارتحت كدا
حاولت ورد تسحب ايدها من شهاب هي و بتبص عليه بانزعاج وعايزة تتكلم
شد على ايدها جامد وقالها بهمس ااشش مش عايز اعتراض دلوقت
نتكلم بعدين
ابتسم محمد ايه يا عروسة معترضة على ايه
بصت لشهاب بصة
جامدة تحمل عتاب ولوم وقعدت قدام محمد
يا جدو يعني بعد الصبر دا كله فرحي يبقى ع الديق انا عايزة فرح كبير
ربت محمد على راسها بحنان خلاص ياروحي لما ارجع بالسلامة نعمل حفلة كبيرة منها فرحكم
