رواية رومانسي درامي بقلم ياسمين الشام

كل حركة بيعملها معاها انفاسه جت على خدها وعيونه ما بتحدش عن عينيها 

نظرة باردة بتتحدى نظرة مليانة حرارة وخجل 

بعد الرقصة بعدت ورد عن شهاب بهدوء مسكت ايد عليا تستمد منها القوة

قربت نيفين لشهاب ببتسامة وقالت بثقة ممكن نرقص انا وانت

ضحك شهاب ونزل لودنها وقال بهمس لا روحي دوري على غيري 

وسابها يدور على ورد شاف الكل متجمعين حوليها وتقى بتترجاها انها ترقص شرقي 

و ورد في النص رافضة باي شكل 

افتكر دعاء لما كانت تربط وسطها وتفضل ترقص قدام الكل ويصفقولها وهو مبسوط ومتاخد من حركات جسمها المتقنة للرقص هي وبتتمايل

قرب من ورد ومسك ايدها وسحبها بابتسامة وقال تقى بس كفاية من اليوم دعاء مش هاترقص غير ليا انا وبس

رقص زمان ودلع زمان انتهى شدها على

حضنه وقال دي بقت خطبتي ورفع حاجبه بغيظ في تقى

قربت ورد ودموعها بتلمع 

وقالت متشكرة جدا

انك انقذتني من تقى

ضحك وقال عدي جمايل بقى

ورد انا سبق وقلتلك انا هاقف جنبك لغاية ما نخلص

بعد ما عدى نص الحفل والكل مشغول جريت تقى على ورد الي وقفة لوحدها وسحبت ايدها 

و سحبتها بعيد عن الحفلة 

وورد بتصرخ عليها هي وبتضحك يا مچنونة براحة هاقع ېخرب بيت دماغك

وصلو بين الشجر بمكان منعزل بعيد عن الحفل والاضاءة مش واضحة

وقفت تقى وضحكت وقالت بابتسامة خلاص انا عملت الي عليا

وسابتها ومشيت 

اتفاجئت ورد بتصرفها ولسا هاتنده عليها

ما حستش غير بايدين زي الكلاليب حضنتها من ضهرها وانفاس كريهة من شرب الخمر

يااااه

يا حبيبتي قد ايه مشتقلك

اټفزعت من الصوت الي اول مرة تسمعه نفضت ايديه والټفت ومن غير ما تحس رفعت ايدها ونزلت بضړبة قوية على خده انت بتعمل ايه يا قليل الادب 

حط ايده مكان الالم وفاتح عيونه انتي اټجننتي يا دعاء انت ضربتيني ليه

صړخت بيه انت بأي حق تتجرا وتلمسني كده

صړخ فيها بصوت كله عذاب بحق انك حبيبتي وكنا متفقين انك تكلمي جدك بخصوص جوازنا ايه نسيتي يا دعاء ولا فقدان الذاكرة الي قالو عنو نساكي حبيبك 

فتحت ورد عيونها على الاخر هي ومصډومة من الي قاله الشاب دا 

بصت عليه عايزة تفتكر هو مين بس ذاكرتها ما اسعفتهاش وقف قصادها 

وقال بعصبية ايه جرالك ايه ولا اعلان خطوبتك من شهاب نساكي حبيبك

انت باينك مش بس ناسية الي ما بينا دانتي نسياني كلي 

بحلقت فيه وافتكرت لما عليا قالتلها في الحفلة دا مازن ابن خالة دعاء وتقى

ما كانتش قادرة تتكلم من الصدمة 

هي دعاء كانت بتخون شهاب ولا الشاب دا كداب او يمكن تبع امين وسمر جاي يضحك عليها بكلمتين عشان يتاكدو من شخصيتها صحيت من توهانها هي وبتحاول تقرا تفاصيل ملامحه يمكن تقدر تعرف هو كداب ولا لا بس لمعة عينيه والغصة بنبرة صوته تقول انه صادق و بعدين تقى الي پتكره نيفين مستحيل تساعدهم عشان يخدعوها بعد تبادل النظرات والحيرة ما بينهم ما تكلمتش ياي حاجة لغاية ما تكتشف الحقيقة

الا انها اكتفت بتحذيره رفعت صباعها وقالت بحدة لو حاولت تلمسني مرة تانية ماتلومش غير نفسك

ومشيت زي التايهة مش عارفة تتصرف ازاي او تقول ايه

في اخر الحفل ودع الحج محمد الضيوف هو وحاضن ورد وجت عينها بعين مازن لنما قرب عشان يسلم بص عليها بهدوء ومد ايده عشان تسلم عليه وهي اضطرت انها تمد ايدها وقالها هو وبشد على ايدها بتحذير لسا كلامنا ما خلصش لينا قعدة تانية يا دودو وابتسم وشدها عشان يحضنها حاولت تبعد بس ما قدرتش وهمسلها بحبك ومشي من قدامها 

بعديه جت تقى غمزتلها هي وبتحضنها وقالت الله ع الاخلاص وع الحب

هاشوفك تاني يا دودو

قعدت ورد قدام جدها والف سؤال بيدورو بدماغها لغاية ما جالها صداع 

مافيش قدامها الا انها تحكي لشهاب الي حصل بس دا ممكن يروح فيها او يرتكب چريمة بحق مازن ولو كان ملعوب من امين يمكن هيا الي تروح فيها

ماحستش غير يشهاب بيقعد جنبها 

حبيبتي سرحانة بايه

هاه لا ولا حاجة هيا عليا مشيت لا لسا

همست ليه طيب انا عايزاها بحاجة مهمة

بص عليها بتسأئل

ردت اطمن حاجة تخصني

ااقصد حريمي يعني

وقف شهاب نادى على علي 

وقال لورد دودو افضلي مع عليا لغاية ما خلص كلام مع علي 

وورد سحبت عليا لاوضتها بالفيلا قفلت الباب بالمفتاح ودخلت عليا ع الحمام اتنهدت قبل ما تتكلم وعليا متفاجئة بتصرفتها 

اتكلمت ورد بحزم دعاء كانت بتخون شهاب

انا من شوية عرفت 

شهقت عليا ايه 

رفعت ورد ايدها على بق عليا عشان تسكت ېخرب بيت دماغك صوتك هايجيب المزرعة كلها حكت ليها ورد كل حاجة وعليا متسمرة مكانها زي الهبلة

كملت ورد المهم انا اتصرف ازاي اقول لشهاب ولا اسكت مهو شيء يحير 

وبصراحة انا خاېفة

مسكت عليا اكتاف ورد بصي يا حبيبتي انت هنا موظفة لشهاب وولاءك لازم يبقا ليه الاحسن انك تتكلمي معاه وخليه يوعدك بانه ما يتهورش

تمام هزت ورد راسها و عزمت امرها انها تقوله

وهو يقولها تتصرف ازاي

وحلفت على عليا تنام عندهم 

تاني يوم في المزرعة 

رجعت تقى بنت خالة دعاء وجيه معاها مازن واصحابهم الي ورد مش عارفة اغلبهم لان شهاب 

ماورهاش صورهم وبعد الغدا وبعد ما عكت ورد جدا وشهاب بيساعدها هو وعليا وعلي عشان ينقذو الموقف 

راح كل واحد يتمتع بالجو الحلو في المزرعة 

قرب شهاب لورد سحبها وهو بقول قدام صحابهم ايه رايك نسبح 

بصت ليه زي الهبلة نسبح ليه 

ابدا الجو حلو وصحابنا اهم كلهم في البيسين بيعومو

هزت راسها بلا انا ما بعرفش اعوم 

قربو صحابهم وحاولو يوقعوها

مسكت بشهاب هي وبتصرخ وبتترجاهم يسبوها

ابتسم بخبث وقلهم استنو اما تغير

دودو حبببتي في مايوه جوا غرفة التبديل جبته مخصوص ليكي روحي البسيه وتعال يلا

وقفت وقالت بصوت عالي ايه بتقول ايه

انا البس مايوه دا بعدك يا حبيبي قال البس مايوه قال

وقف پغضب مصطنع

وقال 

حصليني على مكتبي ياورد

نعم خير ان شاء الله هو كل مايحصل حاجه تتقلب كدا

زفر شهاب

بقوة ليردف

خمس دقايق وأشوفك متسمرة في مكتبي

تنهدت بضجر وجريت على سلم المزرعة الخارجي وهي بټشتمو بسرها

إيه الغبي دا هو فاكرني إيه ولا حاجة ماشي يا سي شهاب

فتحت باب المكتب بعد ما سمحلها تدخل

وهي واقفه بتبصلو بحدة قلها بملل

هو إيه اللي هببتيه تحت

ردت هي 

مش فاهمة هببت إيه 

قرب منها ببطئ وقلها 

دعاء كانت بتعوم كويس جدا وحاصلة على الميدالية البرونز 

يبقى ازاي تقولي مابعرفش اعوم

بصتلو بحدة وهي بتتمنا دلوقتي ټخنقو 

بس دارت الكره اللي شع من عنيها وقالت 

طيب دعاء بتعرف تعوم بس انا ورد ماعرفش هاعمل إيه ... 

قرب ليها اكتر وقلها بحدة

إزاي ماتعرفيش انتي قبلها قيلالي انك سباحه شاطرة 

يووووه أهو أنا كدبت عجبك كدا

مسك إيدها پغضب وبصلها بصه غريبه بعدها قلها

بصي ياورد انا عارف كويس انك بتعرفي تعومي ... الحاجه فاطمه قلتلي انك سباحه كويسه وعلى كدا لازم اعرف كدبتي ليه

سكتت وهي بتفكر هو عبيط ولابيستعبط تعوم