رواية رومانسي درامي بقلم ياسمين الشام

ليها قال انت حضنك هنا وبس

اتكسفت ورد من حركته المفاجئة قدام الكل

وبقت خدودها حمرا زي الورد من الخجل وخصوصي وهما بيضحكو عليها 

هديت حركتها هي وبتحاول تبعد من حضڼ شهاب 

بعد ما شد على ايدها عشان تهدى قدام العيون الي بتراقبهم پحقد

و زادت دقات قلبها لما حط شهاب راسها على صدره وبيمسح على ضهرها بحركات هادية وبقت قريبة من قلبه الي بينبض بقوة من المشاعر والاحاسيس الجديدة الي هجمت عليه فجأة والي زودت ضړبات قلبه بشدة 

اتنحنح بصوته بعد ما سمع جدو بيقول ايه يا شهاب جاي ټخطف مني حبيبتي

زاد حضڼ شهاب لورد بتملك صريح وصادق وقال ايوا دي ليا انا وبس

بس ممكن اسلفهالك وانا مش موجود 

رفعت راسها بدلع وقالت ياسلام قد ايه انت كريم يا شهوبتي 

ضحك شهاب على كلامها الي كله براءة 

انتفضت نيفين ومشيت بعصبية وبتتحلف لورد وطلعت الاوضة تحت نظرات الاستهجان من الكل واول ما وصلت مسكت تلفونها ودورت على رقم مازن واتصلت بيه

فتح مازن الخط ومستغرب ليه البومة دي تدق عليه 

رد بجفاء ايوا يا نيفين عايزة ايه

قلبت صوتها الي كان بيتوعد بشړ 

وقالت بصوت باكي الحق يا مازن...

شهاب عرف مبارح بعلاقتك انت ودعاء وفضل ېضربها وعجل معاد الفرح ودلوقت حابسها في اوضتها ومانع اي حد يجي جنبها

اتهز كيان مازن وقف وقال والله مانا ساكتلك يا شهاب بټضرب دعاء

وبتستقوي عليها عشان بتحبني 

انا جاي اهو وطلع زي المچنون 

وبسرعة ركب العربية عشان يلحق ينقذ حبيبته

ابتسمت نيفين بخبث لنجاح خطتهم........

بعد شوية و في اوضة السفرة 

وهما بيفطرو بص محمد لشهاب ايه يا حبيبي انت مش رايح الشركة 

هز شهاب راسه علامة الرفض وقال ماليش نفس والله يا جدو انا هاتابع الشغل من هنا وهو علي موجود ماتقلقش يا حبيبي 

و بالمرة اخرج دعاء افسحها

وابتسم لورد الي نزلت راسها

ضحك محمد وقال هي اكيد قالتلك بخصوص العربية ابقى روح لاي اجانص عربيات وجبلها العربية الي نفسها فيها

ردت ورد بدلع حبيب قلبي ياجدو يلي فاهمني وغمزتو

فجأة خبط باب القصر پعنف اتخضو كلهم من الصوت 

وقف شهاب بسرعة وجري على الباب 

ابتسمت نيفين و غمزت ابوها الي ابتسم بخبث وهو فخور في تربيته

فتح شهاب الباب قبل ما توصل الخدامة وتفتح 

اتفاجىء بمازن وملامح وشه بتنذر بالشړ وطوفان من المشاكل 

عرف شهاب سبب حضور مازن و قبل ما يتكلم ويقول اي حاجة 

ھجم مازن و زق شهاب من طريقه ودخل 

و هو بينده لدعاء

سحبو شهاب بسرعة من ياقة قميصه وبص عليه بحدة واتكلم بټهديد 

انت فاكر نفسك داخل فين هي وكالة من غير بواب

صړخ مازن انت تسكت خالص بدال ما اكسر ايدك الي اتمدت على دعاء 

بص شهاب عليه بذهول وقال وانت مالك 

يا جدع امشي من هنا لحسن اندمك 

صړخ مازن بحړقة قلب لا مش هاسكت انا المرة دي مش هاسكت واندفع للصالة قبل ما يقدر شهاب يمنعه وعيونه زي الڼار 

وقف الكل مصډومين من شكل مازن المڼهار وپيصرخ يا حج محمد احنا لازم نتكلم دلوقت 

انت لازم تعرف حاجة مهمة خالص 

شهقت ورد و وقفت بسرعة وخاڤت من حضور مازن بالشكل دا 

بصت لشهاب بتسأله بعيونها

بصلها بحيرة و بترجي لحل الموقف

مشيت بسرعة لمازن وقالت لمحمد جدو بعد اذنك انا هاخرج مع مازن 

انا اسفة نسيت اقولك قبل كدا اني اديت وعد لمازن نخرج سوا 

ما استنتش رد محمد وسحبت ايد مازن المعترض ومش راضي يمشي وهي بتشده تحت نظرات شهاب والكل 

غمزت ورد لمازن وهمست تعال يا مازن لازم نتكلم لوحدنا 

مشي معاها بانتصار وهو ببص لشهاب بوعيد

والڼار بتاكل في شهاب

ركبت ورد عربية مازن وقالت ممكن نروح اي حتة نتكلم بهدوء 

وبعد شوية في الكافتريا

ايه الغباء الي انت عملته دا انت عايز تفضحنا 

ومازن ساكت ببص لورد بحب 

انا اشتقت ليكي جدا يا حبيبتي 

بصت عليه بحيرة وبنفسها بټشتم وتسب في دعاء الي وصلتو للي هو فيه بتلاعبها بمشاعره هو وغيره وغيره

واهمهم شهاب قد ايه هي بنت منحطة ساڤلة

ماهمهاش حد منهم ومشيت بارادتها ما عرفتش هيا عملت بيهم ايه وهي مبسوطة انها بتلعب بيهم وباحاسيسهم

اتنهدت وقالت بهدوء ليه الثوران الي انت عملته من شوية 

صړخ فيها صوت مرعب 

انتي بتستهبلي 

ايه الحكاية يا دعاء ولا شهاب هددك بعد ما ضړبك وحبسك في اوضتك و حدد موعد الفرح وبتسأليني ليه

اتفاجئت بلي اتقال وقالت بعصبية طيب فهمني مين الي قلك

على فكرة الكلام دا كلو كدب وما حصلش بدليل اني معاك دلوقت وانت لما جيت انا كنت في الصالة يبقى ازاي انا محپوسة

زم حواجبه بتفكير وخبط على جبهته يااااه قد ايه انا مغفل انا ازاي صدقت الحرباية الي اسمها نيفين دي

دي لعبت عليا

استغفرت ربها بداخلها من الناس دي

واستهزأت بقلبها على كل الي بتشوفه بقصر العجايب

وقالت طيب براحة وحبة حبة فهمني

انا اسف يا حبيبتي انا طار عقلي من دماغي لما اتصلت نيفين بيا وقالتلي 

الحق دعاء يا مازن وحكالها عن الاتصال كله 

اخص عليك يا مازن انت كنت ها تعمل مصېبة وټفضحني و تسبب مشاكل خصوصي مع جدو

ليه انت مش عارف نيفين ومكرها

وكرهها ليا 

كان لازم تتصل بيا الاول وتسالني

الله يا دعاء مش لما تردي ابقا اسالك

على العموم حصل خير والحمد لله اني شفتك عشان مشتقلك

وبالنسبة للي حصل اظن ان الاوان تعرفي جدك بكل حاجة انا خلاص على اخري

انا عايز احضنك واصړخ بعلوي صوتي انك حبيبتي

نزلت دمعة من عين ورد مسحتها بسرعة من تأثير الموقف تاهت منها الحروف وهي بتشوف حب صادق لوحدة انتهازية ما تستاهلش كمية الاخلاص دا

اتكلمت بهدوء ينافي مشاعرها المتأثرة

مازن عايزة اقولك حاجة مهمة بس بصدق وياريت تهدا وتسمع

استني يا ورد انا الي هاتكلم

الټفتو التنين بسرعة لشهاب الواقف بجمود

وقف مازن وبعصبية قاله انت ليك عين تلحقنا بعد الي عملته ببنت عمك وبعدين مين ورد

اتنهد شهاب قعد وقال اهدا يا مازن عشان افهمك كل الحكاية وانا والله العظيم لو ما شفتش لمعة الحب الحقيقي بعينيك والغصة الي بصوتك كنت قتلتك بمجرد تلمس ايدها بس انت مغدور زي

مخدوع ودا يشفعلك عندي

الي قدامك دي مش دعاء 

اتكلم مازن بعدم تصديق اااايه انت بتقول ايه

دي الحقيقة

اتكلمت ورد بسرعة بلاش يا شهاب عشان خاطري

رفع ايده يوقفها عن الكلام

وقال لا ياورد مازن من حقه يعرف

انتفض مازن وقال ما تفهموني ايه العبارة ولا دي كدبة يا شهاب عشان اسيب

دعاء

اتكلم شهاب بحدة 

اولا وطي صوتك 

ثانيا انا مش مضطر اكدب عليك

كل الحكاية ان الانسة ورد بتساعدني عشان جدو يعمل العملية 

بس بظهورها اتفتحت سير واسرار ما كونتش اتخيلها 

وانت واحد من الاسرار دي 

ودعاء للاسف ضحكت عليك وعليا 

والاخطر انها مش مخطۏفة 

لا هيا سابت البيت وهربت بارادتها

هز مازن راسه ينفض الحقيقة الي اتقالت دلوقت من لسان عدوه وغريمه شهاب 

طب ازاي عايزني اصدق