رواية رومانسي درامي بقلم ياسمين الشام
عارف كل دا
يا عمر افهمني
اولا انا ماتكلمتش معاها بخصوص حقد سمر وعيلتها عليها
ثانيا الي ما تعرفهوش انت اني غصبتها على جوازنا عشان ما كنتش بتسبني احضنها او حتى امسك ايدها والكلب الي اسمه امين عرف من جواسيسه وفضحنا قدام جدو وجدو من الفرحة عايز يحدد معاد الفرح
ضړب عمر على دماغه اايه غصبتها ع الجواز
حرام عليك يا اخي دانت مش بس بوظتلها حياتها لا دا انت خربتها
ودلوقت هاتعمل ايه
رد شهاب ولا حاجة المهم
الخطة تنجح وبعدين اعوضها
يا شهاب يا حبيبي هي مش كل الامور تتحل بالفلوس
وقف شهاب بنظرات جافة وقطع حديث عمر
انا هاروح مكتبي وانهي الشغل في السريع كدا
تكون انت خلصت كمان عشان نمر على عليا و ناخدها في سكتنا
مش عايز تاخير عشان خاېف على ورد وطلع شهاب زي ما دخل وعمر بفكر في كتلة البرائة الي اسمها ورد والي مستخبيلها في وكر الغول وعيلته
في المزرعة
بعد ما ارتاحو الكل من السفر
وقفت ورد اعلى سلم الفيلا الي في المزرعة وهي تايهة مش عارفة تعمل ايه
او تروح فين حتى اللبس شهاب ما قلاهاش تلبس ايه
و ما فيش حد تعرفه من كل المعازيم الي جو للحفلة الا جد شهاب ودادا عزيزة حتى نادية ما تقربتش منها كتير
فجأة سمعت صوت انثوي ناعم و شافت بنت طالعة السلم بتركض و اول ما وصلت حضنت ورد بحرارة وهي بتقول وحشتيني يا دودو وعينيها مبرقة من الدموع
حضنتها ورد وهي بتفتكر مين دي بس باين انها بتحب دعاء من دموعها ولهفتها
ازايك يا دودو انا ما صدقت لما سمعت خبر رجوعك انا فرحانة اوي اني شفتك بخير
سمعو البنتين صوت بيكرهوا هما التنين من ورا ورد وهي بتقول اهلا تقى ايه رجعتلك الحياة لما شفت دودو وهي بتلوي بوزها وبتمط الكلمة
ارتاحت ورد لما سمعت اسم تقى وافتكرتها
الټفت تقى وقالت اكيد يا نيفين امال ترجعلي الحياة بشوفة خلقتك الزفرة ضحكت ورد ڠصب عنها وقالت بمسخرة
عيب يا توتو لما تقولي كدا
تعالي تعالي انا اشتقتلك مۏت
ومشيو من قدام نيفين وهي بټضرب الارض برجلها من العصبية وبتتوعد ليهم
اما وريتكم انتو التنين ما بقاش انا يا تافهين
وفضلت تقى و ورد قاعدين يتكلمو على نيفين وغياب دعاء
لغاية ما سمعو دقة ناعمة ع الباب ودخل شهاب
جريت تقى واتعلقت برقبته هي وبتحضنه وتدلع عليه وهو بيخربلها في شعرها
بص لورد لقى علامة الاستنكار على وشها
على حضنهم لبعض من غير خجل
اتحمحم بصوتو
وبعد عن تقى بهدوء
وقال ها قوليلي ايه رايك بالمفاجئة ورفع راسه بشاور على ورد حضنتها تقى وقالت احلا مفاجئة يلا يا عم كفاية حزن بقا خلينا نفرح
ابتسم شهاب وعينيه بتاكل ورد وتفاصيلها وخصوصي نظرة الرفض لعلاقات العيلة
دي
نادى على ورد الي كانت شاردة بيهم
وشاور على اكياس جابتهم الخدامة وقال
افتحي الاكياس
يا دعاء شوفي انا جبتلك ايه
وانا وتقى طالعين عشان تاخدي راحتك سحب تقى رغم اعتراضها وقبل ما يقفل الباب مد راسه وقال عليا شوية وطالعة تساعدك
هزت راسها بالموافقة و بعد ما طلع فتحت الكيس سحبت فستان اروع من الروعة باللون الاحمر
مع كامل لوازمه بس عاري الضهر وليه فتحة لغاية نص الفخد رمته ع السرير واتنهدت بصبر وقالت ربنا يعدي الحفلة دي على خير وشوية وجات عليا جريت ورد وحضنتها وكأنها طفلة صغيرة حست بالامان في حضڼ امها
ودموعها نزلت من غير ماتحس
سابتها عليا وراحت قفلت الباب ورجعت حضنتها وبتمسح عل ضهرها عشان تهدى مالك يا ورد حبيبتي اهدي شوية
و ورد بټعيط وبتشهق وبتتكلم بشكل مقطع
ااانااا خايففة جدا اااانااا ندماانة
كلهم وحوش بتاكل في بعض كل همهم الفلوس
ما فيش غير الحج محمد هو الوحيد الي كويس
وبعد ما حكتلها ورد كل حاجة
اتكلمت عليا وقالت معلش يا حببتي انتو قربتو تخلصو
من شوية وحنا في العربية كان شهاب بيتكلم انكو قربتو تنهو القصة دي ما تخافيش استحملي عشان خاطري وخاطر الحج محمد
بعد ما هديت
بصت للفستان مسكته باستهتار ودموعها لسا على خدها
شوفي البيه المحترم جايبلي الفستان دا عشان البسه ما كان يجبلي قميص نوم احسن
ضحكت عليا من قلبها وهي بتشوف ورد شكلها زي الطفلة
عادي يا حبيبتي هما كلهم كدا
وانا احيانا بضطر البس متعري شوية بس مش زيهم
رجعت ورد افتكرت وقالت بغيظ ولا البت تقى
دي حضنته وشبطت فيه تقولي جوزها مع اني حبيتها بس بردو دا غلط وما يصحش
قامت ورد وجابت اللاب توب وفتحت ع الصور والفيديوهات معلش يا عليا عشان خاطري انا هاتعبك عايزة اعمل لفة كده ع الصور وارجع افتكر اسماء الضيوف عشان ما عكش
من شوية و بالعافية ولو لا البت نيفين
ما افتكرتش اسم تقى بالله عليكي تساعديني
ابتسمت عليا بحب وقالت من عنيا
وفضلو قاعدين شوية
وبعدين لبسو واستعدو للحفلة وكل وحدة اجمل من التانية
في الحفل والكل بهيص ومبسوط
نزلت ورد لابسة الفستان وسايبة شعرهامفرود عشان تداري ضهرها
وفي نص فتحت الفخد حطت دبوس الماس عشان ما يبانش فخدها
بس بقت تمشي زي المتكتفة يا دوب تقدر تفتح رجليها وعيون شهاب بتراقبها بتسلية هو اتعمد يشتري فستان مفتوح بالشكل دا عشان يحرجها وعجبه تصرفها وغيرتها على نفسها وجسمها الي بيفتن
بص لعليا وغمز لها
لما افتكر الي حصل في العربية
كان بيضحك بقوة
ساله عمر بتضحك ليه يا افندينا
مسك الفستان وقال اصلي عايز اشوف وش ورد لما تشوف الفستان دا
اصله عريان اوي
ردت عليا حرام عليك يا شهاب بلاش تحرجها انت عارف انها بترفض اللبس دا
كمل بضحك ما هو عشان كدا انا عايز اشوف هاتتصرف ازاي
ضحكت عليا لما عرفت قصد شهاب مسكت ايد ورد وكملو مشي بين الضيوف
وابتدت ورد تسلم ع الضيوف وعليا تساعدها لما تشوفها مرتبكة بحيث تذكر اسم الشخص عشان ورد تتعرف عليه
و شهاب واقف ببص عليها بنظرة صقر اخاصة بعيونه و مبهور بجمالها
بحركاتها الراقية الخجولة ومرحها ودلعها باحترام مهما حاولت تميع حياءها بزين
تصرفاتها
بعد الوليمة الكبيرة الي انتهت وقف الحج محمد واعلن خبر خطوبة احفاده شهاب ودعاء وحدد موعد الفرح بعد شهرين
بارك لهم الحضور بفرحة ناس وحقد ناس وغيرة ناس
جيه وقت الاحتفال والفرح الي بيرقصو
والي بيلعبو مسابقات وتحديات
كانت ورد مبسوطة بجو الاسرة الي ماعاشتش زيه
ماحستش لما قرب شهاب منها وسحب ايدها عشان ترقص معاه
وقفت قصاده ووشها احمر من الكسوف
مد ايده ومسك ايدها وايده التانية نزلها ورا شعرها المفرود واستقرت على ضهرها ارتعشت من لمست كفه على بشرتها الناعمة وحرارة ايده وهي بتتحرك على ضهرها بنعومة
وشهاب حس بماس كهربا شعل ڼار داخل قلبه بمشاعر جديدة عليه
ماقدرتش ورد تستحمل لمسته قربت من ودنه وهمست بصوتها الرقيق ارجوك بلاش الرقصة دي
انا مش قادرة خلاص حاسة هايغمى عليا
رفع حاجبه باستنكار وابتسم بمكر وشدها لحضنه وحضنها بايديه التنين عشان ما تبعدش
غاصت باحضانه واتوقفت انفاسها وهي خلاص دايبة دوب من
