قدري

وبذات وهو بيقول من لي الوذ به الاك يا سندي بيقولها وهو حاسسها لدرجه حسيته انه نسي اني موجوده من كتر ماهو حاسس باللي بيقوله وبعد ما خلص بص بعيد وتهرب من البصه ليه
بإبتسامة وسط دموعها شكلها بتفكرك بحالك
يحيي يتنهد شويه انا سيبت بلدي واهلي وتوهت في ارض ربنا وسط البحر بشكيلوه وبحس انه بيسمعني واجي هنا ابص لزرع واتأمل جمال خلقه ف أحس ببهجه وراحه نفسيه وبالليل اقعد في الاوضه أقرأ وابتهل في وقت الفجر ف بحس كده زي ما يكون لا مش عارف اوصف عارفة انتي لما تمسكي الحله الالمونيوم وتدعكيها بالسلكه ف تلاقيها بتلمع اهو انا بحس اني نضفت من اي زعل وهموم واي طاقه سلبيه وبقيت بلمع كده

دره هههههه اشمعنا الحله الالمونيوم ليه مش التيڤال او الجرانيت او الاستانلس مثلا 
يحيي الالمونيوم الوحيد فيهم اللي بيلمع بعد الجلي
دره والاستانلس كمان بيلمع 
يحيي لا مش بيلمع لمعته بتكون مطفيه مش زي الالمونيوم 
دره تكتم ضحكتها طيب بتفضل تطبخ في اي نوع
يحيي لا لو طبيخ يبقا تيڤال او جرانيت مش بيلزقو وطاسة التيڤال مش بتستهلك زيت كتير ظل يتحدث ويحرك يديه باندماج ف يتوقف عندما يراها تحاول كبت ضحكتها
دره هههههههههههه هههههههههههه
يبتسم لضحكتها وينظر إليها بتأمل حتى توقفت عن الضحك وعندما تراه تلملم نفسها بتوتر 
دره انا شبعت هقوم اشيل الوكل
يحيي تمام 
بقلم نجمه براقه
كل مره بيثبتلي انه يستحق ميكونش وحيد ويلاقي واحده تحبه لشخصه وتقبله زي ماهو
يحيي
كل مره بتخليني اتشدلها أكتر وتملاء قلبي بالبهجه اللي بتروح بسرعة لما افتكر شكلي
منزل ادريس
نهله
بعد ما راح صفوان لشغل جهزت نفسي وروحت المستشفي ولما دخلت الاوضه ملقتش حد فيهم جمبه و لما شافني بقا يأن و وشه اتعكر ف استغليت عدم وجود حد وقولت مضيعش الفرصة واخلص منه هو التاني 
نهله بسخط كفياك اكده انا هريحك من شوفتي حالا يا ابو جوزي
قولتها وشديته من يده و وقعته علي الأرض وشديت الكينولا من يده ف اتخلعت بالاصاق بتاعها وبقيت ادور علي حاجه اضربه بيها بس سمعت صوت سماح وبراق جاين وبيتكلمو وقتها حسيت اني هتكشف وهتبقا نصيبه وحطت عليه ف جريت و وقفت ورا الباب ولما فتحو من صدمتهم وخضتهم عليه سابو الباب مفتوح ف اتسحبت وقدرت اطلع قبل ما حد فيهم يشوفني و قوام روحت علي البيت ولقيت غاده نازله تجري حتى منتبهتليش وطلعت على طول ف حسيت ان فيه امل يكون ادريس ماټ وهي سمعت علشان اكده بتجري
المستشفى
غاده
روحت لقيت براق جسمه بيتهز من العياط وهو ضامم ايده وحاططها علي بوقه وبيبص علي ابوه ف وقفت شويه ابص لعمي وعلى ايده الملفوف حوليها لصق طبي لغيت المعصم والدم باين في هدومه حسيت لما شوفت المنظر قلبي اتغرز فيه سکين
بقلم نجمه براقه
غاده پبكاء مين اللي عمل كده
براق پقهر وهي يبكي بحرقه معرفش لو عرفت هو مين والله لا اخلص عليه واعذبه عڈاب عمره ما شافه يتابع عملهم ايه علشان يعملو فيه اكده حتى الكنيولا شدها شد و جلده اكده ده لو كافر كان رحم ضعفه بس الغلط مني انا اللي سبته مكنش لازم اسيبه دقيقة 
غاده تعانقه ليضمها بين ذراعيه ويبكي 
غاده پبكاء متزعلش حبيبي مش هنسيبه هنا تاني لازم يرجع البيت 
براق مش هسيبه هرجعه البيت يقعد وسطينا ومنسبهوش دقيقة واحدة 
عمار يدخل فجأه ابوي ماله ايه اللي حصل يا براق 
براق حد وقعه وشد الكينولا من يده مزقتله جلده مين اللي عاوز يأذيه انا نفسي اعرف
عمار
منظره ونظرات الضعف في عينيه بعد ما كانت دبته في الأرض تهزنا كلنا كان قادر يخلي الجبل ينهار ٠
قربتله وانا حاسس بالضعف اكتر منه وانا ولده الكبير اللي ابوه اتبهدل وهو موجود ومقدرش يكون جمبه ويحميه ولما وقفت عنده لقيته بيبصلي وفكه بيترجف وعنيا مليانه دموعه قعدت عنده وانا مش قادر اطلع الكلام
عمار بصوت مخټنق ابوي حقك يجهش بالبكاء حقك عليه يابوي مكنش لازم اسيبك وحدك 
براق احنا لازم نعرف مين عمل اكده يا عمار لازم ېموت زي ما بيحاول يموته 
يدير راسه وينظر إليه ويحد من نظرته ھيموت بيدي بس أعرف هو مين ينهض ويقف امامه انت قولتلي البت دى شافت حاجه قبل اكده صح
براق ايوه يشغل التسجيل ليسمعه عمار ف يضم قبضته 
عمار انا هعرف اخليها تقول اقعد اهنه متفارقش المكان 
براق طيب بس بالعقل 
عمار وانا بقا فيه عقل اقعد يا براق
سبته وطلعت علي طول علي بيتها
ميار
كنت بفكر في حالي وحال ابني وأهل ابوه اللي لو عرفو طريقنا هياخدوه مني ويحرموني منه بقيت عمري وفجأه الباب خبط ف قومت افتح
ميار انت ايه جابك هنا 
عمار تاخدي كام وتقولي مين اللي حاول يأذي ابوي
ميار انا معرفش ولو اعرف مش هقولك انت بذات
عمار له هتقولي انا مش ماشي من اهنه غير لما اعرف لأما هتخسري كتير قوي
ميار مش هقول و وريني تقدر تعمل إيه 
عمار متاكده انك عاوزه تشوفي هعمل ايه 
ميار بشئ من الخۏف متقدرش تعمل حاجه 
عمار تمام قال ذلك واخرج منديل من جيبه و وضعه علي انفها ف تقاوم وتقاوم حتي فقدت الوعي ف يحملها ويضعها بالسيارة بعد ان تأكد من خلو الطريق وذهب بها 
بقلم نجمه براقه
بعد وقت في منزل ادريس
عمار تعاله يا حبيبي مؤيد يقين تعالو سلمو علي عبدالرحمن 
مؤيد مين ده يابوي
عمار ده ولد واحد صاحبي 
يقين تبتسم هيقعد امعانا ياعم 
عمار يومين بس يلا خدو اوضتك يامؤيد هيبيت امعاك 
مؤيد بتلبد اه
عمار يلا روح واقف ليه
يقين تمسك يده انا هوديه
اخذته وذهبت لينظر لهم مؤيد بتلبد ثم ينظر ل عمار
عمار مالك 
مؤيد مفيش قالها وذهب الي الغرفه و وقف عند الباب ينظر اليهم وهم جالسون سويآ علي سريره لتنظر إليه يقين بإبتسامة 
يقين تعاله شوف عبدالرحمن 
يذهب عندهم قومي متقعديش مع الرجاله 
يقين له هقعد انا هلعب مع عبدالرحمن 
مؤيد بغيظ هقول ل ابوكي انك قاعدة مع االرجاله واخليه يضربك قالها ثم ضربها بقدمه في ساقها وذهب لتبدء بالبكاء وعبدالرحمن ينظر اليها بتلبد ف تنزل من علي السرير وتذهب إليه ف تضربه بغيظ 
مؤيد اااي هقول لابوكي انك ضربتيني قالها وجهش پبكاء شديد
لتنظر إليه وهي تقوس فمها وتميل براسها للأمام ودموعها تتساقط 
عمار مالكم
يقين پبكاء ضړبني روحت انا ضړبته
عمار اخوات عيب مؤيد بطل بكا انت راجل عيب لما تبكي
نهله
كنت قاعده في اوضتي و سمعت صوت بكا عالي في الجنينه ف طلعت اشوف في ايه ف لمحت عيل صغير في اوضة مؤيد ف روحت عنده لقيته حمقان وعنيه مرغرغه
نهله انت مين ياحبيبي پتبكي ليه طيب فين امك
عبدالرحمن بصوت متحشرج
معرفش 
نهله طيب متبكيش انت ولد مين
عمار ده ولد واحد صاحبي الله يرحمه و هيقعد امعانا يومين يكون امه رجعت من مصر 
نهله يشرف بيته ومطرحه
عمار تعيشي مالك ياحبيبي 
عبدالرحمن پبكاء عاوز ماما
عمار حاضر هجيبهالك بس متبكيش مفيش راجل يبكي
في المخزن
ميار
فوقت لقيت نفسي في مكان ضلمه يدوب داخله ألنور من منور فوق ف قومت وبقيت اخبط وازعق علشان حد يفتحلي وفجأه الباب اتفتح وهو دخل وقفل وراه مسكت فيه بغيظ وانا بقوله يمشيني من هنا وفجأه مسك ايديه الاتنين 
بقلم نجمه براقه
عمار پحده مش هتمشي من اهنه غير لما تقولي شوفتي ايه
ميار معنديش حاجه اقولها وانا لازم امشي دلوقتي حالا انت فاهم ولا لأ 
عمار وانا قولت مش هتمشي غير لما تقولي شوفتي ايه بالظبط
ميار بدموع يا استاذ ابني زمانه رجع من المدرسة ومش هيلاقي حد ابوس ايدك خليني امشي انا معنديش حاجه اقولها
عمار ولدك بخير بس لو مقولتيش مش هتشوفيه تاني 
ميار وايه عرفك انه بخير انت شوفته فين 
عمار بعد صمت هو عندي في البيت مع ولدي وبت اخوي يعني في أمان 
ميار پصدمه وهما عارفين انه ابني انا 
عمار له عارفين انه ولد واحد صاحبي يعني محدش هيدور عليكي خالص و مقدمكش غير انك تتكلمي 
ميار تبكي اتكلم اقول ايه انا مشوفتش حاجه علشان اقولها انا بس قولت كده علشان تخلو بالكم
عمار مش هو ده الكلام اللي قولتيه لبراق والنهارده حد حاول ېقتله وهيحاول تاني لغيت ما يقدر وابوي ملهوش اعداء غير أللي انتي شوفتيه
ميار انا لو شوفت حاجه هقولها بس انت لازم تخرجني والا ابني هو اللي هيتأذي ابوس ايدك خرجني من هنا 
عمار ابنك بخير ومش هيجراله حاجه بس مش هتشوفيه غير لما تتكلمي 
ميار باستحقار انا مش ممكن اطمن عليه طول ماهو معاك واحد زيك بيتهم الناس بزور ويبعت بلطجيه يضربو لا يمكن حد يثق فيه 
عمار مش انا اللي بعتلك ناس تضربك مش انا يصمت لبعض الوقت وهو يفكر ثم يتابع انا اللي وديتك المستشفى وانا اللي بعتلك طلبات ولبس لعبدالرحمن انا لو بعت ناس تضربك صح ايه يخليني اساعدك ماكنت سيبتك ټموتي 
ميار انت كداب 
عمار مش كداب وبالأماره كنتي لابسه لبس صلاه وقتها والممرضه جت ادتلك فلوس وقالتلك اني سبتهملك كده انتي اتاكدتي اني مبعتش حد يضربك وبقيتي مطمنه علي ولدك طمنيني انتي عاد علي ابوي
ميار تنظر إليه للحظات ثم تتحدث طيب وانت ايه جابك في الوقت ده بذات 
عمار بتردد كنت جاي اعتذر عن اللي حصل
ميار وليه معرفتنيش انك انت 
عمار لاني مكنتش عاوزك تعرفي اقنعتك اكده انا قولت اللي عندي اهو قولي انتي 
ميار كان راجل ملثم ومقدرتش اشوف وشه و كان بيحاول يوقعه ولما شافني هرب ده اللي حصل 
عمار متكدبيش لو اكده كنتي قولتي عادي بس اللي شوفتيه مخوفك لا تقولي 
ميار هو ده اللي حصل معرفش حاجه تاني 
عمار براحتك خليكي اهنه لما يجيلك مزاج تحكي
ميار بترجي طيب اطمن علي ابني 
عمار هتقولي اللي شوفتيه هخليكي تشوفي ابنك حلو اكده عداني العيب 
ميار يا استاذ انت ممكن تخلي بالك من ابوك وتعرف لوحدك بس انا في غني عن المشاكل انا دلوقتى عرفت ان هما اللي بعتولي البلطجيه يعني يقدرو يعملو اكتر من كده 
عمار انا اضمنلك حمايتك وان محدش هيقربلك
ميار انا بجد معرفش اسمه لكن لو شوفته ممكن اعرفه بس لو خرجتني هقدر اشوفه تاني واقولك
عمار كلامك ليه مش راكب علي بعضه ايه ېخوفك ټتأذي لو انتي متعرفهوش
ميار يعني ايه 
عمار يعني كلامك ده ميتقالش غير لو كنتي عارفه اننا نعرف الشخص ده انتي مش مطلوب منك تقولي غير هو مين وبس وانا هحميكي بقلم نجمه براقه
ميار تنظر إليه وتحدث نفسها ده واطي ميضمنش اذا كان اتهمني بالسرقه علشان لمحت بس
عمار قررتي ايه 
ميار معنديش كلام اقوله انا معرفش الشخص ده بس لو شوفته تاني هعرفه
عمار انتي مش مطمنالي صح 
ميار مش ممكن اطمنلك وبردو معرفش