رفقًا بالقوارير بقلم ميادة مأمون

كده و شايفه نفسها
بالعكس دي لطيفة خالص و كيوت و اذا كان علي الجلابية اللي بتتكلمي عنها
انتي شايفه اهو قاسم معتز بلبسه الصعيدي و قاعد بيه في بيته و لا ايه يا عصام
عصام بعد ان اطمئن من نظرتها بآنها لم تحكي لآخيها بشئ
هاه اه عندك حق يا رامي و بعدين هي قمر في كل حالاتها
دخلنا عليهم تاني و انا مبسوط منها و بضحك آنا و هي
برواڤو عليكي بصراحه ماكنتش متوقع الدرجه دي في الامتحان
شوفت بقي معلش اصلك لسه مش مقدر امكانياتي
هههههه طب يلا يا بتاعت الامكانيات علي فوق
الله ما تسيبها يا قاسم تقعد معانا شويه هو آنت لسه زعلان مني و مش عايزها تتعرف علينا و لا ايه

لاء ابدا يا دينا بس وعد لسه عندها مذاكره
مش كده يا وعد
سكتت
و حنت راسها بزعل و لقيت رامي بيشدني بعيد عنها
لاء مش كده ما تسيبها بقي و ترحمها يا آخي هو طول الوقت مذاكرة
ردت ندي بكرهيه واضحه اوي
خلاص يا جماعه سيبوه علي راحته بقي
هو قالها تطلع المفروض تسمع كلامه مش تقف زي التمثال كده 
اتفجآنا كلنا بكلامها اللي زي السم و دينا جنبها تقعدها و بصت لندي پغضب
ندي يا ريت لو مش عندك كلمه حلوه يبقي تسكتي آحسن و انتي يا وعد تعالي اقعدي جانبي هنا
وقفت وعد من جانبها و رجعتلي و وقفت قصادي بزعل
لاء آنا مش هاقعد غير لما قاسم يقولي
ماشوفتش نظرتها ليا بس شوفت عيون عصام اللي كانت مركزه عليها اوي
قولت علي فوق يا وعد
يوووووه حاضر بس ابجي شوف مين اللي هاتجيب ليك درجات حلوة تاني
نبجي نشوف الموضوع ده بعدين جاتك بو
و انتو جولولي بجي سبب الزيارة الشريفه دي و خلصوني
ههه اهدي شوية علينا يا عم قاسم انت ناوي تطلع الديب الصعيدي علينا و لا ايه
لاه الديب الصعيدي ماعيطلعش غير للقده انما انت اصغر بكتير من اكده يا عصام
اوبا و كمان هاتكلمنا بالصعيدي طب اهدي كده و اسمعني عشان انا عايز منك خدمه
خير يا رامي
طبعا انت عارف آن آنا و دينا اتخطبنا
عارف يا سيدي و
آلف مبروك و بعدين
و بعدين بقي تهدي كده و تصلي علي النبي عليه الصلاة و السلام
بص يا قاسم احنا دلوقتي بندور علي فندق كويس نعمل فيه حفلة خطوبتنا
و بصفتك رئيس مجلس ادارة شركة سياحة كبيره و ليك تعاملات كتيرة مع الفنادق قررنا نستشير حضرتك
آه قولتولي بقي طب و انتو ناوين تعملو الفرح ده آمتي
يعني علي اول الشهر كده
طب ايه رآيكم لو تعملوة في شرم الشيخ بما اننا هنبقي في الصيف صح يا قاسم
لا لا شرم ايه يا ندى دلوقتي انا عندي مكان تاني خالص تعملو الفرح فيه
فين يا قاسم
في الجونه فندق سبع نجوم و يبقي من آول اليوم لاخره
الله ده هيبقي حلو اوي يا رامي
فعلا هتبقي فكرته حلوه
بس خد بالك يا معلم تكاليفه هتبقي هيا كمان حلوة اوي
لاء من الناحيه دي مايهمكش مافيش حاجه تغلي علي دينا ابدا
ماشي روحي يا ندي هاتي اللاب بتاعي من علي المكتب عشان نوريهم صور الفندق
بس كده حاضر
و انت بقي مالك ساكت كده و كآنك مش قاعد معانا يا عصام
هاقول ايه يا قاسم انا من المعازيم يا حبيبي يعني ماطرح ما الفرح يتعمل هاروح و خلاص
خرجت ندي عشان تجيب اللابتوب بتاعي و جابته فعلا و هي خارجه قابلت وعد اللي كانت خارجه من المطبخ 
الله آنتي بتعملي ايه هنا هو مش قاسم قالك اطلعي علي فوق
و آنتي مالك آنتي اللي بتعملي ايه هنا و مالك خارجه من الاوضة دي للاوضه
دى زى ما يكون بيت ابوكي
احترمي نفسك في الكلام معايا و بعدين ماتستعجليش قريب اوي البيت ده هيبقي بيتي انتي هنا مجرد ضيفة فيه و هاترجعي للكفر اللي جيتي منه تاني
و هيبقى بيتك ازاي بقى انشاء الله
ملاكيش دعوة و يلا علي فوق يا شاطره اطلعي ذاكرى زي ما قالك قاسم
اسمعي بقي يا بت انتي انا ماليش في البنات دي
و البيت ده عايزة تدخليه بعد كدة يبقي تقعدي فيه بآدبك غير كده ملاكيش عندي الا الطرد منه
و هاتي بقي اللاب اللي في ايدك ده انتي سرقاه و لا ايه
صړخت ندي بصوت عالي
انتي قليلة الادب اوعي ايدك دي قاسم يا قاسم
خرجنا علي صوتهم و كالعاده توقعت انها هي و وعد بيتخانقوا
في ايه مالكم انتو اټجننتو هو انتو كل ما تتقابلوا تعملولي مشكلة
ندي پبكاء مصطنع
تعالي شوف الهانم بتقول عليا ايه يرضيك تقول عليا انا حرامية و سارقه اللابتوب
آنتي جولتي آكده يا وعد
عينها كانت كلها كبرياء و شجاعة انا بس اللي عارفها كويس عزة نفس الصعيدية اللي عمرها ما تحني راسها لحد ابدا
ايوا جولت اكده
يبجى تعتذرى عن اللي جولتيه حالا
بصتلي و الدموع اتجمعت في عينها بتهدد بالنزول علي خدها المرمرى
و سابت مج الكاكو اللي كان في ايدها