وصمة ۏجع

سيبني مع أنكل آسر عشان وعدني هنلعب جيم سوى
نهضت سدرة من مكانها تقترب منهم مبتسمة وسعيدة بداخلها فهي لم ترى آسر من قبل سعيدا هكذا كما رأته اليوم مع يزيد لأول مرة تراه

يضحك من قلبه بكل تلك السعادة وكأن هذا الطفل الصغير أعاد له سعادته التي سرقتها هي منذ أن عرفها لذا قررت أن تمنحه السعادة بقية الليلة فانحنت تحمل يزن من غصون وقالت بإصرار إحنا بنعرفكم بس مش بنستأذن القمرين دول معانا الليلة
همت غصون بالإعتراض فقال ياسر بإستسلام خلاص ماشي يا آسر
ابتسم آسر وغمز لياسر قائلا طب نستأذن احنا بقى وليلة سعيدة ياعم

خجلت غصون ونظرت أرضا بينما لم يبد ياسر أي رد فعل وبعدها غادر آسر وسدرة المكان.
يجلس بجوارها لا يرفع نظره عنها إلا قليلا يتأملها طوال الوقت يمدح جمالها الفتان بإستمرار ولم لا وهي عالمه لم يدرك من ماضيه شئ ولم يتذكر شيء سوى طيفها الذي يزوره دائما أصبح يعد الأيام والليالي حتى يجتمع معها في بيت واحد.. قطعت أفكاره نظراتها الخجلة وتوترها فسألها مالك مضايقة من حاجة
ردت عليه بخجل لا مفيش حاجة مضيقاني بس نظراتك ليا مخلية كل اللي حوالينا واخد باله
ابتسم وقال لها أعمل إيه مش عارف ابعد عنيا عنك
ابتسمت وأحمرت وجنتيها البيضاء خجلا ولم ترد عليه فاستكمل قائلا أنا بستنى الشهر يخلص بفارغ الصبر عشان نعمل فرحنا أنا تعبت من الانتظار الوقت اللي بكون فيه لوحدي بعيد عنك ببقى زي طفل تاه من أمه في زحمة سوق وبستني النهار يطلع عشان أقابلك وأكون قريب منك 
ردت عليه بإبتسامة هانت كلها شهر وأكون معاك على طول بس عايزاك تتعود تقابل الحياة بشجاعة زي ما الدكتور قال حاول ترجع تمارس شغلك وتشوف يمكن تقدر تسترجع وتفتكر أي حاجة تخص الطب 
رد عليها بحماس أنا هنزل شغلي واعمل كل اللي قولتي عليه بس كوني معايا وجمبي
ابتسمت له ثم أمسكت ي بحب وتقول بهمس في أذنها ألف مبروك ياغصون انتي تستاهلي خير الدنيا كله والدكتور ياسر رجل طيب ومحترم وأكيد هيعوضك كل اللي شفتيه قبل كده 
ردت عليها غصون بخفوت الله يبارك فيكي ياسدن عقبال عندك يا حبيبتي ربنا يجبر خاطرك ويسعد قلبك
خرجت سدن من أحضانها وقالت تسلميلي يا حبيبتي أنا همشي بقى عشان بابا بيستعجلني وخلي بالك من نفسك وصحتك 
ابتسمت لها غصون وقالت إن شاء الله ... ثم غادرت سدن فنهض ياسر يقول بتأفف مش كفاية كده ونمشي بقى 
ردت عليه غصون بخجل وتوتر اللي تشوفه 
بحث عن ياسمين بعينيه فوجدها تقف مع مراد جانبا فقال لها أنا هروح لياسمين وأرجع نمشي 
هزت رأسها موافقة فسار هو حتي ذهب حيث يقف مراد وياسمين وقال بهدوء متشكر على اللي عملتوه النهاردة وهستأذن انا بقى 
ابتسم له مراد وقال متقولش كده ياياسر أنا كان نفسي اعملكم حفلة كبيرة بس ياسمين قالت انك رافض
رد ياسر بأدب كفاية اللي عملته النهاردة يامراد متشكر جدا
تدخلت ياسمين قائلة مستعجل على إيه يا ياسر ده فادي مجهز لك بروجرام هايل 
رد عليها ياسر ملوش لزوم ياياسمين أنا مرهق جدا ومحتاج ارتاح 
ابتسمت لأخيها بحزن فهي تعلم ما يمر به الآن وهي مشفقة عليه كما هي مشفقة على غصون فكلاهما في أمس الحاجة لشريك يعوضهما الحب والحنان والاهتمام الذي افتقدهم كل منهما وبدلا من أن يهب كل منهما الآخر ذلك يتزوجان بورقة فقط تحل لهما العيش تحت سقف واحد ولكنها آملة في الوقت أن يغير ذلك الواقع المر ويحوله لسعادة يغمر كل منهما الآخر فيها.
يجلس في السيارة ينظر بين كل حين وآخر إلى الكرسي الخلفي ليطمئن على يزيد بينما هي تجلس بجواره تحمل يزن الذي سرعان ما استغرق في النوم عندما بدأت السيارة في السير.
ابتسم عندما وجد يزيد هو الآخر نام قبل منتصف الطريق وقال يزيد كمان نام وأنا اللي كنت فاكر إننا هنسهر للصبح
ابتسمت على إبتسامته التي جعلته أجمل اليوم وزادت من وسامته الخاطفة للأنظار أينما حل وقالت بهدوء مكنتش أعرف إنك بتحب يزيد كده
نظر للطريق أمامه وقال أنا بحب يزيد

من أول مرة شوفته وهو لسه بيبي بقاله ساعات وكان دايما حبه