رواية سند كاملة بقلم مني الفولي

ليعود لمكانه محافظا على مسافة أمنة بالنسبة لها.
سليم بحنان سلمى أهدي يا سلمى أهدي يا حبيبتي أنا مش ممكن أذيكي ولا أضربك أنا أسف أنا بس أنفعلت لما لاقيتك اتصرفتي من غير ما أعرف ارتاح لهدؤها النسبي الذي بدا على انتفاضة جسدها التي بدأت بالتلاشي حقك عليا الرحلة هتطلع وأن شاء الله هتنجح ولو منجحتش كان اقترابه منها حذرا وتدريجيا أنا وأنتي هنعمل مشروع تاني ونحاول تاني ولما سليم يرجع هتقدري تجيبي له كل اللي نفسك فيه بس أرجوكي أهدي أنزلت ذراعيها وأن بقي بعض الارتجاف الخفيف بجسدها أنتي كده بتعطلينا وريني أنت اتفقتي مع مين وعلى أيه عشان أقدر أظبط الدنيا مع الناس ولا عايزة مشروعك يبوظ من أول رحلة.

سلمى بتلعثم واهدابها تحمل دمعاتها ورجفة شفتيها تتحدث عنها أنا أسفة.
سليم بحنان وقد قطع المساقة بينهما واقفا امامها تماما أنا اللي أسف أني فزعتك بالشكل ده بس عايزك تكوني متأكدة أني مهما كنت متنرفز عمري ما أذيكي ولا أمد أيدي عليكي.
سلمى باكية بحرج لضعفها ووهنها الذي تكافح لؤده والله عارفة بس أنا بخاف من الزعيق.
سليم بحب ممسكا بيدها وأنا عمري ما هازعق تاني ممكن تهدي وتقومي تغسلي وشك وتريحي شوية وبعدين نقعد نتناقش ونشوف هنعمل أيه.
افلتت يده وتحركت بوهن ومازالت دموعها تنساب من عينيها وأن انتظمت انفاسها تابعها بعينيه حتى غابت عن ناظريه 
فيما بعد
سليم بحنان أنتي كويسة دلوقتي
سلمى بخجل الحمد لله.
سليم بهدوء طيب ممكن براحة كده تشرحي لي أيه فكرتك بالظبط وكل حاجة عملتيها.
سليم أخاذا بيدها مجلسا أياها بمقابله وهو يربت على يدها مطمئنا طيب ممكن براحة كده تشرحي لي أيه فكرتك بالظبط وكل حاجة عملتيها.
سلمى متلعثمة وهي تسحب يدها من كفه وتفركها بتوتر من فترة اتفرجت على كليب متصور في اماكن تحفة ومصدقتش لما عرفت أن الأماكن دي في مصر ولما عرفت أنك مرشد سياحي الفكرة جاتني أننا نعمل رحلات داخلية لكل الأماكن اللي محدش يعرفها ناظرة له باعين معتذرة راجية الغفران والمساندة ذاب لها قلبهوعارفة أني غلطت لما كذبت عليك بس كنت محتاجة منك تعملي البروجرام وكنت خاېفة تتريق علي لو قلت لك فكرتي أو اتحرج قدامك لو الفكرة فشلت وقتها عملت صفحة على النت سمتها أعرف بلدك.
سليم مشجعا ونظراتها المستعطفة ونبرتها الفخورة به وبعمله قد جعلته يقسم أن يحقق له ما تتمنى ولو خسر هو ماديا فلا مكسب له أكثر من نظرتها إليه بتلك النعومة والرقة أتريق ليه دي فكرة جميلة والاسم اللي اخترتيه مناسب وجميل.
سلمى ممتنة لتقديره لها وسعيدة بامكانية تحقيق فكرتها شكرا لما طلبت منك البروجرام وسألتني عن الميزانية وأنا طبعا معرفتش أحدد أنت قلت أنك هتعمل نفس البروجرام بثلاث مستويات فأنا بقى الموضوع كبر في دماغي وغيرت شوية في اسم الصفحة.
سليم متسائلا أزاي
سلمى متحمسة خليت اسم الصفحة أعرف بلدك مصر للجميع ودخلت عملت دعاية للصفحة على كل الجروبات الشبابية خصوصا جروبات الكليات وقلت أن كل المستويات تقدر تتفسح بنفس الاماكن وكل واحد على قد ظروفه واتفاجأت بأن الفكرة سمعت جدا وناس كتير سجلت اعجاب بالصفحة وكمان ناس كتير شكرت في الاسعار المحددة وطلبوا أنهم يشتركوا بالرحلات دي كل واحد حسب المستوى اللي اختاره.
سليم مستنكرا ليس خوفا من الخسارة المادية ولكن من تهورها الذي قد يوقعها بالمشاكل لفرط حماسها أسعار أيه في أي مستوى بالبروجرام كل الأسعار كانت لاتنين عرسان وفي حاجات كتير مش محسوبة مثلا تكلفة السفر والانتقالات الداخلية لاماكن الفسح بكل محافظة.
سلمى متوترة مبتعدة بجسدها للخلف وقد عاد لها خۏفها بتغير نبرته المتفهمة ماهو أنا قسمت المبلغ اللي أنت حددته على اتنين وزودت عليه تكلفة المواصلات ونسبة ربح بس بسيطة في المرحلتين الوسط والمتواضعة ونسبة معقولة في الرحلات الفايف ستار.
سليم محاولا ضبط نبرته وانفعالاته بعد ملاحظاته لرد فعلها الذي أحزن قلبه برغم تفهمه بكون فعل لا إرادي منها وأنت عرفتي منين أسعار المواصلات.
سلمى هادئة لهدوءها وكأنه صار مرشدها لا ماهو في تطبيق للميكروباصات المكيفة على النت زي التطبيق اللي بنركبه بالكرسي دلوقتي اتصلت بيهم وخدت أسعار تقريبية لكل حاجة.
سليم مبتسما ومداعبا رغم صډمته ولكنه أدرك وبأن انفعالاته تؤثر عليها وكأنها صارت مرآة لإنفعالاته مش قولت لك النت عامل معكي شغل جامد بس تقريبي دي مش طريقة يتحسب بها مشروع وتلمي فلوس من الناس على أساسها يا سلمى.
سلمى قلقة متخبطة وهي ترى حلم استقلاليتها يركض بعيدا بعدما ظنته وشيك يعني أيه الحسبة غلط وهنخسر طيب أنزل بوست اعتذار على الصفحة وأرجع لكل واحد فلوسه.
سليم صادقا فمال العالم كله لا يساوي أن تفقد ثقتها بنفسها بعد كل ما بذلته من مجهود رغم قلة خبرتها والله لو هدفع من جيبي لتكملي مشروعك زي ما قولتي بالظبط.
سلمى نادمة ومعتذرة طيب وأنت ذنبك أيه تتحمل غلطي.
سليم ولها يحاول ان يوصل لها مشاعره نحوها ويبثها الثقة بنفس الوقت أني أكون وراكي وفي ضهرك ده مش ذنب دي نعمة من ربنا حامد ربنا عليها وبعدين أنا لسه مشوفتش الأسعار اللي أنت حاطها مش يمكن تطلع معقولة ونكسب.
سلمى وجلة من أسلوبه الذي بات يشتت تفكيرها ما بين قلب سعيد وعقل مؤنب أن شاء الله.
سليم مبتسما بحب بإذن الله أنت دلوقتي تفتحي لي الصفحة وكمان سيبي لي كشوفات الحجز.
سلمى وهي تنهض مضطربة لابتسامته التي باتت تبوح بالكثير الكشوفات في الشنطة مع الفلوس وأنا محددة كل حجز لأي مستوى ودفع كام وعدد الأفراد كله عندك شوفهم عقبال ما أعملك الغدا.
سليم متفهما تهربها وغير راغب بمحاصرتها ليزفر متحسرا برافو عليكي أنا هاظبطهم عقبال ما تحضري حاجة ناكلها.
سلمى خجلة من عينيا.
سليم ناظرا لعينيها بوله جعلها تفر راكضة للمطبخ تسلم عنيكي.
في اليوم التالي
سليم منبهرا بجنيته المميزة التي لو نشأت بظروف طبيعية لتفوقت على اقرانها لما تتمتع به من ذكاء وسعة أفق بسم الله ماشاء الله عليكي يا سلمى رغم أنك عاملة الحسبة كلها تقريبي لكن الحمد لله تقريبا مظبوطة وممكن يطلع لك هامش ربح كويس.
سلمى سعيدة تتقافز الفرحة بعينيها كطفلة امتدح مدرسها
نتيجتها بجد يا سليم يعني ملخبطتيش كتير.
سليم مبتسما محاولا أن يوصل لها العقبات بالتدريج وبهدوء بصراحة الحسبة المادية معقولة بس في حاجة زي دي في حاجات تانية أهم من الحساب وللأسف أنت معملتيش حسابها.
سلمى متوترة أيه
سليم مستفسرا بهدوء أنت محددة تاريخ للرحلة بعد شهر ونص على أي أساس.
سلمى ببساطة على أساس أن الامتحانات تكون خلصت والشباب في اجازة.
سليم موضحا ماشي بس هو أنت اتصلتي بالاماكن دي وشوفتي عندهم مكان يستقبلوا كل الاعداد دي ولا لا اتفقتي معهم على الأسعار.
سلمى مضطربة وقد أدركت بفطنتها بأن أخطاءها ستوقف المشروع ولكنه يتروى بإخبارها لا مانا عمالة أسمع أن السياحة مضړوبة وأن تقريبا مفيش اشغالات فقلت دول ما هيصدقوا.
سليم برقة ملاحظا ترقبها لرفضه المنتظر فأراد تخفيف الأمر عليها وإرجاع الفشل لسببه الحقيقي وهو عجزه حتى لو كده برضه لازم